Pas shpërthimit të një automjeti në Shkodër, një tjetër ngjarje tronditëse ka ndodhur në orët e para të mëngjesit të sotëm në Fushë-Krujë. Një sasi lënde plasëse ka shpërthyer pranë një lokali, duke shkaktuar dëme në fasadën e jashtme të tij.
Sipas informacioneve paraprake, objekti është në pronësi të një shtetasi të identifikuar me inicialet B. T. Fatmirësisht, nuk raportohet për të lënduar, por dëmet materiale janë të konsiderueshme.
Policia dhe grupi hetimor kanë mbërritur menjëherë në vendngjarje dhe po punojnë për identifikimin e autorëve. Paraprakisht, po hetohet nëse ngjarja lidhet me një akt kërcënimi apo ndonjë konflikt të mëparshëm.
Ky është shpërthimi i dytë i ndodhur brenda pak orësh, duke rritur shqetësimin për sigurinë në zonë dhe duke shtuar masat e policisë për të parandaluar ngjarje të tjera kriminale. Hetimet po vijojnë për të zbuluar rrethanat dhe motivet e plota të këtij sulmi.