Prej më shumë se një ore Kukësi dhe rrethinat e tij kanë mbetur në errësirë. Kjo pasi nënstacioni Rexhepaj ka dalë jashtë funksionit për shkak të një defekti të shkaktuar në linjën 110 kv Fierz-Kukës nga reshjet e dendura të shiut.
Kjo ka lënë pa energji elektrike Kukësin bashkë me të gjitha njësitë administrative Ndërkohë edhe nënstacioni tjetër ai i Kalimashit i cili furnizon tunelin e Kalimashit, ka dalë jashtë funksionit.
Pa energji elektrike ka mbetur edhe bashkia Has.
Operatori i Sistemit të Transmetimit ka njoftuar se grupet e punës janë në terren për rikthimin sa më shpejtë të energjisë elektrike. Por kushtet atmosferike janë përkeqësuar, duke e vështirësuar edhe më shumë këtë operacion.