“Pse janë shoqëruar demokratët”? Policia e Shtetit i përgjigjet deklaratave të Gazment Bardhit

0
“Pse janë shoqëruar demokratët”? Policia e Shtetit i

Policia e Shtetit i është përgjigjur deklaratave të Sekretarit të Përgjithshëm, Gazment Bardhit i cili tha se pas protestës janë shoqëruar me urdhër të Ramën funksionarë të PD.

Në një njoftimi për shtyp policia shpreh keqardhje për deklaratat e Bardhit ndërsa thekson se në selinë e Partisë Demokratike janë pyetur vetëm deputetët e Partisë Demokratike, ndërsa personat e tjerë që janë konstatuar brenda selisë janë shoqëruar në ambientet e Policisë se Shtetit, për t’u marrë në pyetje.

Policia e Shtetit informon opinionin publik

Me keqardhje dëgjuam deklaratat e Sekretarit të Përgjithshëm të Partisë Demokratike, z. Gazment Bardhi, në lidhje me punën hetimore të Policisë që po kryhet për dokumentimin e shkatërrimit të pronës dhe akteve të dhunës të ndodhura gjatë protestës së sotme në selinë e Partisë Demokratike.


Sqarojmë opinionin publik se në vijim të veprimeve procedurale të kryera nën drejtimin e Prokurorisë së Rrethit Gjyqësor Tiranë, në selinë e Partisë Demokratike janë pyetur vetëm deputetët e Partisë Demokratike, ndërsa personat e tjerë që janë konstatuar brenda selisë janë shoqëruar në ambientet e Policisë se Shtetit, për t’u marrë në pyetje.

Policia e Shtetit do të vijojë me profesionalizëm dhe vendosmëri, veprimet ligjore, për të dokumentuar të gjitha veprimet e kundërligjshme gjatë protestës së sotme dhe për të vënë para përgjegjësisë ligjore të gjithë personat përgjegjës.

Njëkohësisht, Policia e Shtetit garanton qytetarët se shërbimet e Policisë janë në terren dhe janë të angazhuara maksimalisht për të garantuar rendin dhe sigurinë.

Artikulli i mëparshëmProtesta e PD/ Artan Hoxha nxjerr pamjet që nuk u fiksuan nga kamerat: Një gjetje origjinale nga njerëz të talentuar…
Artikulli i radhësBasha, një lolo që duhet përjetuar pa dramë

KOMENTO

Shkruani komentin tuaj
Vendosni emrin tuaj këtu