Mijëra vite më parë, një grup njerëzish të njohur si Xiaohe jetonin në zonën tashmë të pabanuar të shkretëtirës Taklamakan në veriperëndim të Kinës. Ky komunitet i epokës së bronzit jo vetëm që mbijetoi në kushte të vështira, por arriti edhe të prodhojë djathë.
Studiuesit kanë zbuluar copa djathi të vjetra 3,600 vjet të shpërndara mbi kokat dhe qafat e mumieve të këtyre banorëve enigmatikë, të cilët varrosën të vdekurit e tyre në varre të pazakonta në formë varkash. Kushtet e thata të shkretëtirës ruajtën jo vetëm mbetjet njerëzore, por edhe djathin, gjë që i lejoi shkencëtarët të nxjerrin dhe sekuencojnë ADN-në e tij.
Analizat treguan se Xiaohe e prodhonin djathin nga dhitë dhe bagëtia, duke përdorur mikroorganizma për të përmirësuar ushqimin e tyre. Ky zbulim i veçantë ngre pyetje interesante nëse njerëzit e Xiaohe ishin varrosur me ushqime të përgatitura për jetën e përtejme.
Një mister i lashtë që na lidh me artin e përgatitjes së ushqimit në kohët më të hershme të njerëzimit!