Ka shkuar në 22 numri i viktimave nga koronavirusi në Shqipëri. Ministria e Shëndetësisë konfirmon se ka ndërruar jetë pak më parë një 90-vjeçar.
Trupi i pajetë i 90-vjeçarit është transportuar nga Spitali Infektiv drejt morgut.
Njoftimi i MSH:
Një pacient 90-vjeçar ka humbur jetën në spitalin infektiv, si pasojë e tromboembolisë pulmonare.
90-vjeçari ishte i prekur edhe nga COVID19 dhe vuante nga disa sëmundje bashkëshoqëruese (tromboemboli pulmonare, diabet mellitus, hipertension).
Pacienti ndodhej i shtruar prej 5 ditësh në spitalin infektiv në gjendje të rëndë shëndetësore.
Sipas mjekëve që e kanë trajtuar gjatë gjithë kësaj kohe, shkaku i vdekjes së 90-vjeçarit është tronboembolia pulmonare.