Shpërthim eksplozivi në Delvinë. Ngjarja ka ndodhur në qendër të qytetit të Delvinës rreth orës 00.20, ku është shkatërruar me eksploziv një automjet fuoristradë “Mercedes-Benz” GLE në pronësi të Vango Zoto, 53 vjec.
Mësohet se pronari i mjetit të djegur, Zoto është njëherësh edhe shofer i linjës Delvinë-Athinë.
Policia e Delvinës ka nisur sakaq hetimet për ngjarjen. Paraprakisht dyshohet se tritoli mund të jetë vendosur në mjetin e tij për larje hesapesh. Madje kjo është edhe një nga pistat ku po heton policia.
Delvinë/Informacion paraprak
Gjatë natës, në lagjen “Sinan Ballaci” , Delvinë, është dëmtuar në pjesën e përparme automjeti në pronësi të shtetasit V. Z., dyshohet nga lëndë plasëse. Grupi hetimor po punon për zbardhjen e rrethanave të ngjarjes dhe të shkakut të dëmtimit të mjetit.