Finalja e Ligës së Kampionëve për sezonin 2019/2020 nuk do të zhvillohet në Stamboll – raporton The New York Times.
Stadiumi Olimpik Ataturk ishte caktuar si vendi i finales së madhe, ku në vitin 2005 ishin ndeshur Milani dhe Liverpooli në duelin epik që përfundoi me fitoren e Redsave në penallti.
Megjithatë, mediat janë duke spekuluar se për shkak të krizës nga pandemia e coronavirusit, mund të ndryshojë vendi i finales në garën prestigjioze evropiane.
Një zëdhënës i UEFA-s i ka thënë gazetës amerikane se është caktuar një grup pune me përfaqësues nga ligat dhe klubet për të zgjidhur kalendarin dhe opsionet e formatit të ndeshjeve për të mundësuar përfundimin e edicionit të sivjetmë.
Vendimi nuk është marrë akoma, mirëpo sipas spekulimeve finalja mund të zhvendoset nga Stambollin në kryeqytetin portugez, Lisbonë.