Largimi i Leo Mesit është tema më e nxehtë këto ditë. Argjentinasi po mendon të largohet nga Barcelona sidomos pas humbjes turpëruese në Champions nga Bajerni 8-2.
Argjentinasi nuk është i bindur as nga trajneri i ri, Ronald Kuman. Për Mesin dy skuadrat më të interesuara dhe më të mundshme për tu transferuar janë Mançester Siti dhe Interi. Tek ekipi anglez argjentinasi do bashkohej me Guardiolën, ndërsa skuadra italiane ka financat e duhura për këtë transferim. Por një lajm bombë vjen nga Spanja.
Sipas “Corriere dello Sport” që i referohet mediave në Spanjë, për Mesin është futur në garë edhe Juventusi. Mesi dhe Ronaldo në një skuadër është ëndërra e të gjithë tifozëve.