Skenaret e njeriut më të pasur në botë duket që nuk kanë të sosur. Bill Gates ka bërë një tjetër deklaratë të fortë, ku duken qartë qëllimet dhe ‘objektivat’ e errëta të tij. Maniati vazhdon të përhapë frikë dhe panik me deklaratën e fundit.
Në kulmin e pandemisë së covid-19 që akoma nuk ka dalë një vaksinë, Gates flet për një tjetër pandemi që do përfshijë botën.
Në një bashkëbisedim në radio me aktoren Rashida Jones dhe me epidemiologun amerikan Anthony Fauci, Gates u shpreh se pandemia e radhës, “po patëm fat, do të vijë brenda 20 viteve”. Por, bashkëthemeluesi i Microsoft nuk përjashton mundësinë që të vijë edhe brenda 3 viteve.
Gates mendon se pandemia e radhës nuk do të ketë ndikimin shkatërrues që pati koronavirusi, pasi këtë herë do të përgjigjemi më shpejt dhe do të kemi pajisje më të mira testuese.
“U praktikuam tashmë dhe mendoj se në pandeminë e radhës do të përgjigjemi të gjithë siç bëri në fillim Koreja e Jugut apo Australia. Gjithashtu, do të kemi pajisje testuese më të mira. Nuk besoj të tregohemi budallenj herën e dytë” tha Gates.
Themeluesi i Microsoft, Bill Gates, më herët ka thënë se pandemia COVID-19 do të marrë fund në vitin 2022. Por, ai ka qenë optimist për krijimin e shpejtë të vaksinës. “Pandemia do të përfundojë brenda dy vitesh. Por, brenda fundit të vitit mund të kemi 3 vaksina të autorizuara”, është shprehur ai.