Ambasadorja amerikane Yuri Kim ka reaguar pas takimit informal që zgjati për tre orë me kryetarin e Partisë Demokratike Lulzim Basha. Në një postim në Twitter, diplomatja amerikan shkruan se me kryedemokratin ka diskutuar për rolin e opozitës në demokraci, pikëpamjet e opozitës mbi çështjet kryesore dhe përgatitjet për zgjedhjet e 25 Prillit. Kim shkruan po ashtu, se në këto zgjedhje, të gjitha partitë duhet të sigurohen që të gjithë kandidatët të jenë të pastër.
