Ishtë njëherë e një kohë kur turistët në Greqi kërkonin suvenire në lagjen më të vjetër të Athinës. Rrugët dredha-dredha të lagjes Plaka, shtruar shumë kohë përpara se qyteti të shtrinte një rrjet nëntokësor, janë të mbushura me dyqane të mbyllura prapa grilash alumini.
Pandemia e koronavirusit i ka mbajtur turistët larg qendrës historike të qytetit që formon një gjysmë rrethi rreth Akropolit dhe zona mbeti jashtëzakonisht bosh nga këmbësorët dhe automjetet përpara Krishtlindjeve.
Në mungesë të tyre, monumentet antike janë pak më të lehta për t’u parë nga distanca, më pak bori bien në trafik dhe macet e rrugëve janë parkuar para kafeneve ca më tutje.
Greqia deri më tani ka vendosur dy mbyllje mbarëkombëtare që nga fillimi i pandemisë.
E para në pranverë, që i mbajti nivelet e infektimit të vendit të ulta.
Autoritetet urdhëruan të dytën në kundërpërgjigje të një rritjeje të shpejtë pas verës me rastet e raportuara dhe kur në prag të Krishtlindjes arriti 4,457 vdekje të konfirmuara të lidhura me virusin.
Kufizimet kanë mbyllur bare, restorante, kafene dhe shumë biznese të tjera të konsideruara jothelbësore por që përbëjnë një pjesë të konsiderueshme të ekonomisë greke të varur nga turizmi.
Numri i vizitorëve që udhëtojnë në Greqi ra në 76.1% gjatë 10 muajve të parë të vitit 2020 krahasuar me një vit më parë. Shpenzimet ranë 77%, sipas të dhënave të bankës qendrore të lëshuar këtë javë.
Greqia pritet të shohë një tkurrje prej 10.5% të produktit të saj të brendshëm bruto këtë vit, krahasuar me mesataren e parashikuar të BE prej 7.4%