Triumfi i parë në Kampionatin Botëror për Oscar Piastri në Çmimin e Madh të Hungarisë. McLaren siguroi një dopietë me Lando Norris, i cili vetëm dy xhiro nga fundi i ktheu vendin e parë shokut të tij të skuadrës australian, që ia kishte dhënë për shkak të një zgjedhjeje strategjike nga ekipi i tij. Finale me tension shumë të lartë me pilotin anglez që hezitoi të bënte mënjanë, por në fund tregohet besnik ndaj ekipit të tij, që i vendosi në mënyrë të palogjikshme, të dy pilotët e tij, në një situatë të rrezikshme dhe të sikletshme.
Vendi i tretë i podiumit për Lewis Hamilton që luftoi me Max Verstappen. Tre xhiro nga fundi pati një kontakt mes të dyve: përgjegjësia ishte e holandezit i cili gjithashtu humbi vendin e katërt ndaj Charles Leclerc dhe duhet të mbrohej nga piloti tjetër i Ferrarit Carlos Sainz që e mbylli i gjashti.
MCLAREN URDHËRON, RED BULL KRITIKON VERSTAPPEN
Sukses për Oscar Piastri në GP të Hungarisë në F1. Piloti i McLaren fiton Çmimin e parë të Madh të karrierës së tij në pistën e Hungaroring, në garën e tij të tridhjetë e pestë në Kampionatin Botëror. Dopietë për një McLaren të jashtëzakonshëm, e kompletuar nga Lando Norris, i cili në fund të garës “iu bind” thirrjes së skuderisë, duke e lënë shokun e tij të kalonte pas një menaxhimi jolinear të ndalimeve në pit stop, që në dy raste programuan ndalimin e hershëm të anglezit, që sidoqoftë ishte pas australianit.
Podium për Mercedes të Lewis Hamilton, energjik në mbrojtjen e vendit të tretë ndaj një Max Verstappen të furishëm. Holandezi përfundoi i pesti pas një kontakti me anglezin në kthesën e fundit, 7 xhiro nga fundi, në të cilin rrezikoi të dëmtonte rëndë Red Bullin e tij. I ashpër komenti i skuadrës së tij: “Maks, po sillesh në mënyrë fëminore”.