Deputeti i Partisë Socialiste, Fatmir Xhafaj, ka bërë një deklaratë tronditëse mbi përfshirjen e dy grupeve kriminale në çështjen e njohur si “Babalja”. Gjatë një interviste në emisionin “Opinion”, Xhafaj zbuloi se një grup kriminal nga Elbasani dhe një tjetër nga Kurbini kanë qenë të përfshirë në organizimin dhe ngritjen e kësaj çështjeje me qëllim dëmtimin e tij politik.
“Dy grupe kriminale kanë ndihmuar në këtë inskenim. Po, kanë qenë të interesuar për të më goditur mua politikisht. Ka qenë një grup i Elbasanit dhe një i Kurbinit,” deklaroi Xhafaj gjatë intervistës, duke hedhur dritë mbi përfshirjen e krimit të organizuar në fushën politike.
Deklaratat e tij pritet të shkaktojnë reagime të forta dhe të nxisin debat në arenën politike dhe publike në Shqipëri, ndërkohë që çështja “Babalja” mbetet një nga skandalet më të mëdha të viteve të fundit.