Gjykata e Posaçme Kundër Korrupsionit dhe Krimit të Organizuar (GJKKO) do të shqyrtojë sot kërkesën e Prokurorisë së Posaçme (SPAK) për rikthimin e ish-kryeministrit Sali Berisha në arrest shtëpie. Seanca gjyqësore, që pritet të fillojë në orën 10:00, do të drejtohet nga gjyqtari Engert Pëllumbi.
Kjo kërkesë është bërë pas ankimit të SPAK ndaj vendimit të gjyqtares Floreja Davidhi, e cila më 27 nëntor liroi Berishën nga masa e arrestit në shtëpi. Ish-kryeministri akuzohet për korrupsion pasiv në lidhje me privatizimin e kompleksit sportiv “Partizani”, një çështje që ka përfshirë edhe anëtarë të tjerë të familjes Berisha dhe bashkëpunëtorë të tij.
Hetimet e SPAK dhe përfshirja në aferën “Partizani”
Sipas SPAK, Berisha ka ndihmuar në realizimin e privatizimit të ish-kompleksit sportiv “Partizani”, i cili u shndërrua në një projekt ndërtimi që përfshinte ngritjen e 19 kullave. Ndër përfituesit kryesorë të këtij projekti janë përmendur edhe dhëndri i tij, Jamarbër Malltezi, dhe disa biznesmenë të lidhur me të, si Fatmir Bektashi dhe Xhimi Begeja.
Dosja për këtë aferë është përgatitur nga prokurorët Arben Kraja dhe Enkeleda Minollai dhe është kaluar për gjyk