Tiranë – Aktori i njohur i humorit dhe njëherësh investitor strategjik, Gazmend Paja, u paraqit sërish mëngjesin e sotëm në Prokurorinë e Posaçme Kundër Korrupsionit dhe Krimit të Organizuar (SPAK).
Pasi doli nga ambientet e prokurorisë, ai u përball me pyetjet e gazetarëve, duke dhënë një përgjigje me nota ironike:
“Jo, isha me prokurorin në kafe. Pa dashje mori celularin tim dhe solli të tijin. Nuk e njoh prokurorin,” tha Paja, pa dhënë detaje të mëtejshme mbi arsyet e qëndrimit të tij në SPAK.
Arsyeja e paraqitjes në SPAK mbetet e paqartë
Ende nuk ka një njoftim zyrtar nga Prokuroria e Posaçme mbi motivin e pranisë së Pajës në institucion, por burime mediatike raportojnë se kjo është hera e dytë që ai viziton ambientet e SPAK-ut brenda pak ditësh.
Mbetet për t’u parë nëse bëhet fjalë për një thirrje si dëshmitar apo nëse aktori është pjesë e ndonjë hetimi më të gjerë që po zhvillon Prokuroria e Posaçme.