Burgu nuk e ndal dot propagandën. Faqja 78 e përgjimeve të zbardhura nga CNA sjell një panoramë alarmante të asaj që ndodh mes katër mureve të qelisë ku mbahet Erion Veliaj. Nga atje, ai organizon intervista, shpërndarje mesazhesh dhe përgatit “fronte informative” me bashkëpunëtorë të ngushtë si Ajola Xoxa dhe vëllai i tij Arbër.
Koordinimi i mediave në shërbim të Veliajt
Në një bisedë me Ajolën, Veliaj urdhëron:
“Fol me Albin e ‘Ditës’, Geri Kokalari ka bërë një super intervistë te Report TV. Duhet t’i japin prioritet.”
Dhe shton: “Edhe me Meron do flas. Duhet të botohet në Tema, Dita, Shqiptarja do e bëjë gjithsesi.”
Objektivi? Të krijohet një front i bashkuar informativ, që kontrollohet nga burgu.
Presioni ndaj bashkëpunëtorëve
Veliaj nuk lë vend për tërheqje. Urdhëron Arbrin që të mbajë presionin lart, ndërsa vetë e përkufizon situatën si:
“E martë është life or death. Katër ditë kemi – duhet çdo gjë në maksimum.”
Fiksimi me shpërndarjen e mesazhit
Në orën 20:30, i nervozuar, ai i kërkon Ajolës:
“Thuaju që të shpërndajnë intervistën sa më shumë. Të mbajnë presionin. Katër ditë janë vendimtare!”
Dhe e mbyll me një fjali që i ngjan më shumë një shantazhi të vetëdijshëm:
“O dal këto katër ditë, o rri këtu edhe katër muaj. Pastaj, kismet Gjykata e Lartë pas zgjedhjeve.”
Inskenimi i “2 milionë eurove”
Në fund të ditës, rikthehet edhe tema e shumëpërfolur:
“Kjo puna e dy milionë eurove, inskenimi – duhet këshilluar me Mero. Të jetë bindëse.”
Pse Veliaj insiston që çdo media ta shpërndajë njëkohësisht intervistën e tij?
Sepse kërkon të krijojë iluzionin e një mbështetjeje të gjerë dhe të unifikuar.
A është kjo pjesë e një strategjie për të ndikuar në vendimin e Apelit?
Po. Vetë Veliaj e ka pranuar që kjo javë është “life or death”, duke e kthyer fushatën mediatike në një përpjekje për të shpëtuar politikisht dhe ligjërisht.
Vijon me faqen 79!