Zbardhja e plotë – Faqja 71 e përgjimeve nga CNA
Pas fushatës së urdhëruar kundër drejtësisë dhe mediave, faqja 71 e përgjimeve të zbardhura zbulon shpërthimin më të ashpër emocional të Erion Veliajt nga burgu. Kryebashkiaku i Tiranës, i ndaluar për tri akuza të rënda, duket se e ka humbur çdo filtër dhe frenë: përdor gjuhë fyese, kërcënon drejtues të institucioneve të drejtësisë dhe deklaron se tashmë “është luftë”. Bisedat me bashkëshorten Ajola Xoxa janë të mbushura me paranojë, urrejtje dhe panik total.
Zbardhja fjalë për fjalë – Faqja 71
- Erion Veliaj: “Fol me Ministrin e Drejtësisë. Më kanë futur në një qeli me njerëz që kanë 100 vjet burg. Më rrezikojnë jetën. Nuk pranoj këtë sjellje.”
- Erion Veliaj: “Qelbësirë është. Nuk ka për t’ia falur kurrë. Edhe Ols Dados jo. Le ta dëgjojnë të gjithë, qelbësirë është.”
- Ajola Xoxa: “Të lutem, qetësohu. Nuk duhet të flasësh kështu. Mos harro që jemi nën përgjim.”
- Erion Veliaj: “Do ta bëj copë përditë. Të dy. Të gjithë. Nuk ka kthim prapa.”
- Erion Veliaj: “Olsi Efthimi ç’lidhje ka të pyesë Mandi im se kur do shkojmë në Qerret? Çfarë është kjo gjë? E kanë kaluar cakun.”
- Ajola Xoxa: “Ishte për tarracën që po rregullon. Mos e çon dëm mendjen kot.”
- Erion Veliaj: “Çështja nuk është më popullaritet. Tani është vetëm përmes medias dhe statuseve që mund ta fitojmë këtë betejë.”
- Ajola Xoxa: “Mos i bëj statuset kaq të ashpra. Jemi në një moment shumë të ndjeshëm. Kjo është një çështje ligjore tani.”
- Erion Veliaj: “Ligjërisht më kanë futur brenda. Nuk kam më çfarë të humbas. Tani është luftë.”
- Erion Veliaj: “Folët me Arbrin dhe Fugën?”
- Ajola Xoxa: “Po, me të gjithë. Të gjithë janë në lëvizje për ty.”
Koment
Në këtë faqe, del në pah jo vetëm arroganca e një pushtetari që nuk pranon realitetin ligjor, por edhe rrjeti i tij i bashkëpunëtorëve që reagon ndaj çdo lëvizjeje të drejtësisë si “luftë totale”. Qëndrimi ndaj Ministrit të Drejtësisë, prokurorit Ols Dado dhe gjyqtarëve, është publikisht kërcënues. Ky material i përgjimeve e zhvesh përfundimisht fasadën e një kryebashkiaku të modernizuar dhe e ekspozon si një komandant lufte në panik.
Në vijim, faqja 72 zbardhet në detaje.