Seanca gjyqësore ndaj Antonela dhe Mariela Berisha u shty për më 20 maj, pas ndryshimit të përfaqësimit ligjor. Avokati i ri, Luan Hasneziri, kërkoi kohë për t’u njohur me aktet e dosjes – një kërkesë që gjykata e pranoi.
Prokuroria kërkon burg për njërën motër dhe shërbim prove për tjetrën
Në seancën e mëparshme, prokurori kërkoi 3 vite burg për Mariela Berishën, e cila ndodhet në arrest shtëpie, dhe 3 vite shërbim prove për Antonela Berishën.
Motrat akuzohen për veprën penale “plagosje e rëndë me dashje, kryer në bashkëpunim”, për një incident të ndodhur më 6 gusht 2024 në një restorant në Kodrën e Diellit.
Ngjarja dhe dëmet e shkaktuara ndaj Klea Prengës
Sipas dosjes hetimore, Klea Prenga është dhunuar fizikisht me sende të forta, përfshirë shishe qelqi, duke pësuar dëmtime të rënda në fytyrë.
Përplasja jashtë gjykatës: “Ej, mos bëj video”
Gjatë pritjes për seancën, një incident tjetër ndodhi: Antonela Berisha u nervozua nga një person që po i bënte video, i bërtiti: “Ej, mos bëj video” dhe më pas iu afrua atij fizikisht. Pamjet janë bërë virale në rrjete sociale.