Arabia Saudite dhe Kuvajti rifillojnë prodhimin në fushën e madhe naftëmbajtëse të përbashkët. Bursa për datën 7 Korrik 2020

Arabia Saudite dhe Kuvajti kanë rifilluar prodhimin në fushën e naftës Al-Khafji në zonën neutrale midis dy vendeve, njoftoi Agjensia Anadolu e Turqisë, duke cituar një deklaratë të drejtorit të përgjithshëm të Ndërmarrjes së Naftës në Gjirin e Kuvajtit.

Llogaria zyrtare në Twitter e kompanisë postoi një azhurnim dje, duke thënë  “Urime me rastin e rifillimit të prodhimit”

Një raport i mëparshëm nga Argus News në fund të qershorit tha se Arabia Saudite dhe Kuvajti kishin në plan të rihapnin të dy fushat e naftës në zonën asnjanëse — Al-Khafji dhe Wafra — këtë muaj.

Al-Khafji është një nga katër fushat në det të hapur e vendosur në zonën neutrale midis Arabisë Saudite dhe Kuvajtit.

Mosmarrëveshjet operacionale dhe një përkeqësim i marrëdhënieve bilaterale çuan në pezullimin e prodhimit gjatë këtij viti. Përkeqësimi erdhi ndërsa Arabia Saudite rinovoi koncesionin e Chevron për Wafra. Sipas palës Kuvajtiane, Riadi e bëri një gjë të tillë pa u këshilluar me ta.

Bisedimet për rinisjen e prodhimit në këto fusha filluan në vitin 2018, dhe Wafra dhe Al-Khafji filluan prodhimin e naftës përsëri në fund të vitit 2019. Sidoqoftë, në maj, media Kuvajtiane njoftoi se prodhimi në Al-Khafji do të pezullohej në qershor, si pjesë e marrëveshjes së OPEC + për të zvogëluar furnizimin global të naftës së papërpunuar me 9.7 milion fuçi në ditë gjatë muajit maj dhe qershor.

Lajmi për rinisjen është disi befasuese, pasi OPEC + ra dakord të zgjasë shkurtimet deri në fund të korrikut pasi çmimet nuk reaguan siç pritej ndaj uljes së prodhimit të rënë dakord nga OPEC +.

Al-Khafji prodhonte deri në 300,000 fuçi në ditë deri në vitin 2015, kur prodhimi në zonën neutrale u pezullua, dhe planet jane që deri në fund të këtij viti, të rrisë prodhimin deri në 325,000 fuçi në ditë. Fusha tjetër naftëmbajtëse Wafra ka kapacitetin për të prodhuar 250,000 fuçi në ditë naftë të papërpunuar.

Bursa për datën 7 Korrik 2020 u mbyll si më poshtë:

Vlerat janë të shprehura në $/mt

• Brent është shprehur në $/bbl

©aktualitet.al