Gjykata ka dhënë masën e sigurisë “arrest me burg” për shoferin e ambulancës Admir Golemi, i cili shtypi për vdekje një fëmijë 10-vjeçar nga Lezha në pikën kufitare të Kakavijës. Ngjarja ndodhi në afërsi të kthesës së fshatit Bularat.
Prokurorja e çështjes Ermira Munelli paraqiti faktet nga ana e grupit hetimor të sqaronin gjithcka ka ndodhur mesditën e së shtunës të kaluar. Avokati i të pandehurit Çlirim Rabaj ka dhënë sqarimet dhe argumentat e klientit brenda normës së shpejtësisë së lejuar duke thënë se kishte zbatuar rregullat e vendosura.
Ndërsa shoferi u mor në pyetje gjykatësja Blerta Çibuku, e cila shpjegoi rrjedhën e ngjarjes duke thënë se në momentin e përplasjes kishte në automjet një të sëmurë, të cilin po nxitonte ta çonte në spitalin e Gjirokastrës.
Sipas tij, fëmija 10-vjeçar doli nga krahu i majtë i rrugës. Sipas shoferit, shpejtësia e automjetit në momentin e aksidentit ishte 75 km në orë, ndërsa në media u raportua se ishte me 100km/h. Ishte gjykatësja Blerta Çibuku që dha masën “arrest me burg” për Admir Golemin.