Aktori Rezart Veleshnja është larguar nga emisioni ‘Shiko kush luan’.
Moderatorja Luana Vjollca së fundmi ka publikuar një video në ‘Instagram’, ku ka treguar të ftuarit që do të jenë mbrëmjen e sotme në emisionin e saj.
Por ajo që ka rënë në sy ishte se Rezarti nuk ishte pjesë e kësaj puntate. Këtë e kanë vërejtur edhe ndjekësit, të cilët kanë komentuar se ku është aktori.
“Pse nuk është Rezi më kapiten tek Shiko Kush Luan, na bënte të qeshim shumë”, shkruan një komentuese.
“Pse nuk është më Rezi? Literalisht ishte i preferuari im dhe gjithmonë na bënte për të qeshur,” shkruan një tjetër.
Por siç shihet nga video në vend të Rezartit do të jetë aktori Irgen Çela, i njohur si Xhoda.
Megjithatë nuk dihet nëse ky ndryshim do të jetë vetëm për këtë puntatë, apo vërtet Rezarti është larguar.