E pabesueshme ajo që ka bërë Ajaksi ditën e sotme në ndeshjen e kampionatit ndaj skuadrës së Venlo.
Të besuarit e Ten Hag kanë mposhtur me rezultatin e thellë, 13-0 kundërshtarin e tyre në transfertë. Pjesa e parë u mbyll 4-0 për Ajaksin, ndërsa në të dytën këta të fundit shpërthyen duke shënuar edhe 9 gola të tjerë.
Një turpërim ky që iu bë skuadrës së Venlo dhe do të mbetet gjatë gjithë historisë së klubit, si njollë që nuk mund të fshihet.
Nga ana tjetër, Ajaksi tregoi edhe njëherë se ata janë skuadra më në formë në kampionat, ndërkohë që këtë e tregojnë edhe statistikat, ku në 5 ndeshjet e fundit kanë grumbulluar po kaq fitore, me këtë të sotmen që ishte me të vërtetë e pabesueshme për nga numri i golave të shënuar.
Ishte viti 1972 kur Ajaks shkatërronte 12-1 Viteshen, ndërsa sot ka përmirësuar rekordin pas plot 48 viteve.