Ambasadorja e SHBA-ve në Tiranë, Yuri Kim, me anë të një statusi në rrjetet sociale, shkruan se ka zhvilluar sot takim me anëtarët e KPK-së.
Kim thekson se SHBA mbështet pavarësinë dhe integritetin e Komisionit të Pavarur të Kualifikimit.
“Kam pasur një takim të sinqertë me Komisionin e Pavarur të Kualifikimit në lidhje me presionin dhe sfidat me të cilat përballen.
Unë i falënderova për punën e tyre vitin e kaluar, e cili vazhdoi, pavarësisht situatës me Covid. SHBA mbështet fuqimisht – pavarësinë dhe integritetin e KPK për hir të drejtësisë shqiptare”, shkruan ambasadorja amerikane.
