Premier League mund të jetojë një tjetër stop pas atij që ndali futbollin në të jithë botën gjatë valës së parë të pandemisë së Coronavirus. Mediat angleze bëjnë të ditur se ka marrë shumë kuota ideja për të ndalur kampionatin për të paktën dy javët e para të janarit, pas shifrave alarmante të personave të infektuar në Londër dhe pjesën tjetër të vendit.
Edhe vetë Premier League ka shënuar një numër rekord pozitivësh në xhiron e fundit të tamponëve. Në testet e zhvilluar nga datat 24 deri më 27 dhjetor, klubet numërojnë 18 të inferktuar me Covid-19. Kjo solli edhe shtyrjen e ndeshjes Everton-Manchester City në program të hënën në mbrëmje.
Të tjera sfida rrezikojnë të njëjtin fat, ndërsa vetëm në muajin e fundit në të gjitha kategoritë e futbollit anglez janë pezulluar 50 ndeshje. Autoritetet kanë kërkuar ndërprerjen 2-javore të sezonit, duke gjetur edhe mbështetjen e disa klubeve. Por Liga është kundër këtij vendimi dhe për momentin nuk ka asnjë qëllim të pezullojë futbollin në Angli.