Vendet europiane kanë filluar të imunizojnë seriozisht njerëzit kundër COVID-19, por ekzistojnë mospërputhje të mëdha në ritmin e vaksinimit. Izraeli dhe Britania e Madhe janë vendet që kanë administruar dozat më të mëdha të vaksinave deri më tani ndërsa Franca dhe Holanda janë ndër vendet më të ngadalta.
Britania e Madhe
MB ishte vendi i parë në botë që autorizoi përdorimin e vaksinës të zhvilluar nga Pfizer dhe BioNtech. Vaksinimi filloi më 8 dhjetor. Deri në 1 Janar 2021, ishin administruar më shumë se një milion doza vaksinash, sipas Sekretarit të Shëndetësisë Matt Hancock.
Ritmi i vaksinimit pritet të përshpejtohet shpejt në 4 Janar pasi vaksina e dytë – nga AstraZeneca dhe Universiteti i Oksfordit – do të fillojë të përhapet. Rreth 530,000 doza janë planifikuar të administrohen në javën e parë. Vaksina e Oksfordit është më e lirë dhe më e lehtë për tu përdorur sepse mund të ruhet dhe transportohet në kushte normale në frigorifer. Vaksina Pfizer duhet të mbahet në -70 ° C.
Izraeli
Pothuajse 1.1 milion izraelitë kishin marrë, deri më 3 janar, dozën e tyre të parë të vaksinës Pfizer / BioNtech, sipas Ministrit të Shëndetësisë Yuri Elderstein. Kjo do të thotë që 12% e 8.9 milion popullsisë së vendit kanë marrë dozën e parë. “Kjo është një arritje e jashtëzakonshme falë stafit tonë mjekësor. Falë jush, ne jemi të parët në botë në sigurimin e vaksinës,” shkroi Elderstein në Twitter.
Bashkimi Europian
Agjencia Europiane e Barnave (EMA) miratoi vaksinën Pfizer / BioNTech më 21 dhjetor me shpërndarjen e koordinuar nga Komisioni Europian.
Brukseli ka arritur marrëveshje të blerjes në avancë me shumë kompani dhe ka siguruar doza të mjaftueshme për të vaksinuar 450 milion njerëz të bllokut. Dorëzimi i parë i vaksinës në vendet anëtare u krye në 26 dhjetor. Secilit shtet anëtar do t’i ndahen doza bazuar në madhësinë e tyre të popullsisë. EMA pritet të autorizojë përdorimin e vaksinës Moderna më 6 janar.
Deri më tani, Danimarka ka nivelin më të lartë të vaksinimit midis vendeve anëtare të BE-së. Më shumë se 45,800 nga 5,8 milion banorët e vendit që kanë marrë tashmë dozën e parë deri në 2 janar duke i dhënë asaj një normë vaksinimi për 100 persona me 0,78.
Por në terma absolutë, Gjermania ka shpërndarë më shumë doza të vaksinës. Më shumë se 188,500 ishin administruar deri më 1 janar, sipas Institutit Robert Kock. Shkalla e vaksinimit të vendit për 100 banorë aktualisht qëndron në 0.23.
Kroacia dhe Portugalia vijnë më pas me norma përkatësisht 0.19 dhe 0.16. Ata ndiqen nga Italia dhe Polonia, të cilat aktualisht kanë norma prej rreth 0.13 doza vaksinimi për 100 banorë. Italia, vendi më i ndikuar në Europë me gati 75,000 vdekje që i atribuohen COVID-19, deri më tani ka vaksinuar mbi 79,000 njerëz.
Austria, Bullgaria dhe Rumania kanë një normë të ngjashme vaksinimi – 0,07 doza për 100 banorë. Në terma absolutë, Bukureshti ka shpërndarë 13,200 doza, Vjena 6,000 dhe Sofja 4,739.
Estonia ka vaksinuar pak më pak se 2,500 njerëz, duke i dhënë asaj një normë vaksinimi prej 0.2, më e lartë se shifra e Greqisë dhe Finlandës 0.03. Athina dhe Helsinki kanë administruar secila nga 3,001 dhe 1,767 doza vaksinash.
Qeveria e Francës është kritikuar për ritmin e ngadaltë të vaksinimit me vetëm 352 nga 67 milion njerëz të vendit që morën dozën e parë deri më 31 dhjetor. Autoritetet kanë premtuar të përshpejtojnë ritmin dhe filluan vaksinimin e punonjësve të kujdesit shëndetësor mbi moshën 50 vjeç të Shtunën – një javë më herët sesa ishte planifikuar fillimisht.
Më në fund, Holanda do të fillojë fushatën e saj të vaksinimit në 8 Janar. (Euronews, scan)