Tirana është zgjuar ditën e sotme nën pushtetin e dëborës. Temperaturat, të cilat shënojnë nën zero dhe reshjet e dëborës gjatë gjithë natës kanë bëre që ditën e sotme kryeqyteti të ofrojë një pamje të veçantë dhe piktoreske për të gjithë.
Duket se temperaturat e ulëta do të vijojnë të jenë prezente gjatë gjithë ditës, e reshjet e dëborës do të jenë të lokalizuara në disa pjesë të vendit, ndërsa në të tjera do të ketë ngricë. Deri më tani, nga informacionet paraprake bëhet me dije se asnjë aks rrugor në Tiranë nuk është i bllokuar, teksa prezenca e ngricës është e vogël në rrugë.