Eni Vasili është në pritje të ëmbël, duke i dhënë dashurisë së saj disa vjeçare me inxhinierin nga Londra një tjetër frymë. Lajmi është bërë i ditur nga “Panorama Plus”.
Megjithëse e kemi çdo javë në ekran, askush nuk e ka vënë re barkun e saj të rrumbullakosur dhe nuk ju vëmë faj, fundja të gjitha daljet e saj në ekran na lejojnë ta shohim pak, e të mbuluar nga një tavolinë e madhe ku pret të ftuarit politikë. Mësohet se moderatorja është në pritje të binjakeve, vajza.
Gazetarja 45-vjeçare, me pothuajse 25 vite në ekran, me emisonet politike është prej kohësh e lidhur me një inxhiner që e ka emrin Armand. Ai la Londrën për të jetuar këtu me Enin, pasi ajo nuk donte të hiqte dorë nga gazetaria e të linte Shqipërinë. Tanimë ata kanë vendosur të zgjerojnë familjen e tyre të vogël.
