Qendrat tregtare, baret dhe teatrot e Japonisë janë mbyllur që të dielën si pjesë e masave emergjente që do të jenë në fuqi për 17 ditët e ardhshme në mënyrë që të ngadalësojnë rritjen e madhe të infeksionit të koronavirusit.
Një gjendje e jashtëzakonshme është shpallur në Tokio, Kyoto, Osaka dhe Hyogo, përpara festës së “Javës së Artë”, një periudhë e vitit kur japonezët zakonisht udhëtojnë shumë.
Ka dyshime rreth efektivitetit të masave gjatë të cilave restorantet dhe parqet do të mbyllen ose do të ulin orët e punës, ndërsa shkollat do të qëndrojnë të hapura, si dhe turmat e tanishme në transportin publik dhe në rrugë.
Japonia ka vendosur një gjendje të jashtëzakonshme për herë të tretë për shkak të koronavirusit.
Vaksinimi është i ngadaltë, vetëm një përqind e popullsisë ka marrë vaksinën deri më tani.
Një nga arsyet është se Japonia kërkon prova shtesë të vaksinave të aprovuara jashtë vendit dhe tani përdor vetëm Pfizer.
Autoritetet në Tokio presin vaksinën e tyre vitin e ardhshëm ose më së voni në 2023.
Kujtojmë, rreth 10,000 njerëz kanë vdekur nga koronavirusi në Japoni deri më tani.
