Policia e Shkodrës ka zbardhur detaje mbi plagosjen e një të riu që u paraqit në spitalin e qytetit. Sipas autoriteteve, incidenti ndodhi rreth orës 21:55, ku E. Sh., 22 vjeç, dyshohet se plagosi me armë zjarri në këmbë 24-vjeçarin Arens Beqiri. Fatmirësisht, Beqiri ndodhet jashtë rrezikut për jetën dhe po trajtohet në spitalin e Shkodrës.
“Shërbimet e Policisë vijojnë kontrollet për kapjen e autorit të dyshuar,” thuhet në deklaratën zyrtare. Grupi hetimor, nën drejtimin e Prokurorisë, po punon për të zbardhur rrethanat e ngjarjes dhe për të dokumentuar ligjërisht rastin.
Uniformat blu ndodhen në spital për të marrë dëshminë e të plagosurit, ndërsa kërkimet për autorin vazhdojnë. Hetimet po thellohen për të hedhur dritë mbi motivet e ngjarjes.