Kryetari i Partisë Socialdemokrate (PSD), Tom Doshi, është paraqitur në Prokurorinë e Posaçme kundër Korrupsionit dhe Krimit të Organizuar (SPAK), ku u pyet për çështje që lidhen me zgjedhjet në Rrogozhinë. Pas daljes nga institucionet e drejtësisë, Doshi deklaroi se ishte thirrur për një takim elektoral që kishte zhvilluar në këtë qytet.
Deklarata e Doshit
“Isha për zgjedhjet në Rrogozhinë. Kam bërë një takim elektoral dhe një nga personat e pranishëm ishte nën përgjim,” u shpreh ai për mediat, pa dhënë më shumë detaje mbi natyrën e hetimit.
Nuk është hera e parë që emri i Tom Doshit lidhet me hetime nga SPAK, por deri më tani nuk ka një vendim konkret mbi përfshirjen e tij në ndonjë veprimtari të paligjshme.
SPAK vijon hetimet, ndërsa mbetet për t’u parë nëse do të ketë zhvillime të mëtejshme në këtë çështje.