Një aksident i rëndë ka ndodhur këtë të shtunë në Kamëz, ku një fëmijë 2-vjeçar ka humbur jetën pasi është përplasur nga një automjet.
Sipas informacioneve, ngjarja ka ndodhur rreth orës 17:30, ndërsa familjarët e kanë transportuar menjëherë të miturin në Spitalin e Traumës për ndihmë mjekësore. Fatkeqësisht, pavarësisht përpjekjeve të mjekëve, fëmija nuk ka mundur t’u mbijetojë plagëve të marra.
Policia ka nisur hetimet për të identifikuar dhe ndaluar drejtuesin e mjetit që shkaktoi aksidentin. Deri më tani, nuk ka informacione mbi rrethanat e sakta të ngjarjes apo përgjegjësinë e shoferit të përfshirë.
Banorët e zonës kanë shprehur shqetësimin për mungesën e sinjalistikës dhe shpejtësinë e lartë të automjeteve në rrugët e Kamzës, duke kërkuar më shumë masa sigurie për këmbësorët.
Policia vijon hetimet për zbardhjen e plotë të aksidentit dhe kapjen e drejtuesit të automjetit.