Deputeti i Partisë Demokratike, Edi Paloka, ka reaguar lidhur me personazhet shqiptarë dhe të huaj që mbështesin Erion Veliajn, kryebashkiakun e Tiranës, i cili ndodhet në arrest. Sipas tij, të gjithë ata që i dalin në krah Veliajt rezultojnë të akuzuar, të hetuar ose të dënuar për korrupsion.
Një nga shembujt e fundit që ka ngritur dyshime është ai i deputetit italian Luciano D’Alfonso, i cili është nën hetim për korrupsion.
Në një postim në Facebook, Paloka shkruan:
“Nuk mund të ndodhë ndryshe. Kush del në krah të Velinës, shqiptar apo i huaj, sa ta kërkosh në internet, këtë rezultat gjen: i korruptuar.”
Çështja Veliaj dhe mbështetësit e tij
Deklarata e Palokës vjen në një moment kur procesi gjyqësor ndaj Veliajt po tërheq vëmendjen publike, ndërsa mbështetësit e tij, si brenda dhe jashtë vendit, po kritikohen për lidhjet e tyre të dyshimta.
Në dy ditët e fundit, Veliaj ka marrë mbështetje nga disa figura publike, përfshirë D’Alfonson, ndërsa opozita e akuzon për korrupsion dhe abuzim me detyrën.
Në vijim të kësaj çështjeje, demokratët kanë paralajmëruar denoncime të tjera mbi personat që po mbështesin kryebashkiakun e arrestuar, duke argumentuar se ky është një rrjet i organizuar korrupsioni që shtrihet përtej kufijve të Shqipërisë.