Momente paniku dhe tmerri janë kapur në pamjet e publikuara nga zjarri shkatërrues që përfshiu diskotekën “Pulse” në Kocan të Maqedonisë së Veriut, ku humbën jetën mbi 50 persona.
Lexo edhe:
Tragjedi në Maqedoni të Veriut: Zjarr në klubin e natës, mbi 50 të vdekur
Në video dëgjohet këngëtari Panço nga grupi DNK, i cili u drejtohet të pranishmëve me thirrjen “Dilni jashtë, dilni jashtë, do të kthehemi”, vetëm pak çaste pasi flakët e para u shfaqën mbi prozhektorët e skenës.
Paniku mes 1,500 personave brenda klubit
Zjarri u përhap me shpejtësi të madhe, duke shkaktuar kaos total mes 1,500 personave që ndodheshin në koncert. Pamjet tregojnë momentin kur një vijë zjarri përhapet mbi ndriçuesit, ndërsa turma përpiqet të largohet mes britmave dhe rrëmujës.
Hetimet dhe reagimi i autoriteteve
Autoritetet kanë nisur hetimet për të përcaktuar shkaqet e tragjedisë, ndërsa vendi është shpallur në zi kombëtare për humbjet e mëdha njerëzore.
Zjarri, që dyshohet se ka nisur nga efektet piroteknike të skenës, është përhapur me një shpejtësi që ka bllokuar shumë persona brenda. Përpjekjet për shpëtim u vështirësuan nga intensiteti i flakëve, duke bërë që dhjetëra njerëz të mos mund të dilnin në kohë.
Kjo tragjedi ka ngritur pyetje serioze mbi sigurinë në ambientet e argëtimit dhe ka shtyrë autoritetet të ndërmarrin një rishikim të masave të sigurisë për të parandaluar tragjedi të tjera të ngjashme.