Çmimet e naftës bruto pësuan rënie mes përshkallëzimit të marrëdhënieve SHBA-Kinë dhe shqetësimeve për rrezikun e valës së dytë të koronavirusit.
Standardi ndërkombëtar i naftës së papërpunuar Brent tregtohet me 42,80 dollarë për fuçi, duke shënuar një rënie me 0,65%.
Standardi amerikan, West Texas Intermediate (WTI) ishte në 40,41 dollarë për fuçi, duke shënuar një rënie me 0,12%.
Këshilltari i tregtisë i Shtëpisë së Bardhë, Peter Navarro, deklaroi se marrëveshja tregtare e fazës së parë midis SHBA-së dhe Kinës ka mbaruar.
“Ata erdhën këtu më 15 janar për të nënshkruar marrëveshjen tregtare dhe kjo ndodhi plot dy muaj pasi e dinin për virusin”, shtoi ai.
Komentet e Navarros shkaktuan shitje në tregun e aksioneve në SHBA dhe rënie të çmimeve të naftës së papërpunuar, para se ky i fundit të pretendonte se komentet e tij ishin nxjerrë jashtë kontekstit.
“Komentet e mia nuk kishin aspak lidhje me marrëveshjen tregtare të fazës së parë, që vazhdon të ekzistojë. Unë thjesht po flisja për mungesën e besimit që ne kemi në partinë Komuniste kineze, pasi ata gënjyen për origjinën e virusit të Kinës duke lejuar shtrirjen e pandemisë në botë”, theksoi Navarro.
Investitorët mendojnë se çdo tension midis SHBA-së dhe Kinës, dy prej ekonomive më të mëdha në botë dhe konsumatorëve të naftës, mund të shkaktojë një perspektivë ekonomike globale më të dobët.
Ekonomia globale dhe kërkesa e përgjithshme e naftës për gjysmën e parë të këtij viti pritet të ulet në të gjithë botën për shkak të COVID-19.
Bursa për datën 23 Qershor 2020 u mbyll si mëposhtë:
Vlerat janë të shprehura në $/mt
- Brent është shprehur në $/bbl
| Produkti | Çmimi ditor ( $/mt ) | Ndryshimi ditor +/- ( $/mt ) |
| BENZINA | 411.50 | + 13.75 |
| DIESEL | 364.50 | + 1.75 |
| BRENT | 43.61 | + 0.80 |
©aktualitet.al