Partia Demokratike ka ngritur padi ndaj Komisionit Qendror të Zgjedhjeve, pas vendimit që dha, sot, KAS për fletën e votimit dhe për logon e ‘Bindjes Demokratike’.
PD kërkon shfuqizimin e vendimit të KQZ/KAS për fletën e votimit ku kandidatët janë të listuar me numra dhe jo me emra, siç kërkoi PD-ja, si dhe rrëzimin e ankimimit të paraqitura nga PS dhe Bindja Demokratike.
Në një deklaratë për mediat përfaqësuesi ligjor i PD-së, Ivi Kaso,tha sot se kryeministri Edi Rama ka turp nga emrat e kandidatëve të tij për deputetë dhe po i fsheh pas numrave.