Në vendimet e publikuara nga KIS sqarohet se projekti i zbatuar nga “WHITE ROADS HOTEL” që kishte sipërfaqe paraprake të miratuar prej 12,157.2 m² (shtet dhe privat) kishte nevojë për hapësirë shtesë. Kjo sipas vendimit vjen si rrjedhojë e një marrëveshjeje të subjektit me një brand ndërkombëtar që kërkon aplikimin e standardeve të tij.
“Subjekti “White Roads Hotel” ka nënshkruar kontratë me brand-in ndërkombëtar HYATT INTERNATIONAL LLC. Për të përmirësuar hapësirat dhe funksionalitetin e këtij projekti, në përputhje me standardet më të mira të brand-it, subjekti kërkon të marrë me qira një sipërfaqe shtesë shtet në ZK. 1739 prej 22,276.4 (njëzet e dy mijë e dyqind e shtatëdhjetë e gjashtë pikë katër) m², me koordinata të përcaktuara, përfshirë dhe zonën e brigjeve si dhe regjim special në fushën e turizmit” parashtrohet nga KIS.
Në këto kushte, ky i fundit ka rekomanduar që të jepet kjo sipërfaqe për projektin pasi të jenë respektuar një sërë procedurash ndërkohë që investimi ka kapur një vlerë të parashikuar prej 21.3 milionë euro.