Gjykata e Lartë do të vendosë nëse ish-presidenti Donald Trump është i imunizuar nga ndjekja penale me akuzat për përpjekje për të përmbysur zgjedhjet e 2020-ës.
Gjykata e shumicës konservatore 6-3 vendosi të mërkurën të dëgjojë pretendimet e zotit Trump se ai duhet të mbrohet nga përgjegjësia penale.
Vendimi shënon herën e parë që gjykata shqyrton një çështje të tillë.
Një panel i Gjykatës së Apelit në SHBA ka hedhur poshtë tashmë argumentin e zotit Trump se ai gëzon imunitet presidencial.
Trump kishte pohuar në çështjen ligjore historike se ai ishte i imunizuar nga të gjitha akuzat penale për aktet që ai tha se i përkisnin detyrave të tij si president.
Por gjykata vendosi unanimisht kundër 77-vjeçarit, duke shkruar se: “Ne nuk mund të pranojmë pretendimin e ish-presidentit Trump se një president ka autoritet të pakufizuar për të kryer krime që do të neutralizonin kontrollin më themelor të pushtetit ekzekutiv – njohjen dhe zbatimin e zgjedhjeve, rezultatet.”
Ai e apeloi rastin në Gjykatën e Lartë dhe kërkoi të pezullohej vendimi.
Trump u akuzua vitin e kaluar për manipulim të dëshmitarëve dhe komplot për të mashtruar SHBA-në në gjykatën federale në Uashington DC mbi përpjekjet e tij për të përmbysur humbjen e tij në zgjedhjet e vitit 2020 ndaj Joe Biden.
Ky gjyq fillimisht ishte caktuar për në mars.
Gjykata e Lartë ka planifikuar të shqytojë argumentet në këtë çështje më 22 prillit, që do të thotë se data e gjykimit në Uashington DC do të shtyhet ndërsa gjykata e lartë do të shqyrtojë çështjen.
Në urdhrin e saj të shkurtër, Gjykata e Lartë tha se do të peshojë: “Nëse po, në çfarë mase një ish-president gëzon imunitet presidencial nga ndjekja penale për sjellje që supozohet se përfshin akte zyrtare gjatë qëndrimit të tij në detyrë.”
Trump ka pohuar në rastin e përmbysjes së zgjedhjeve se ai ishte i imunizuar nga akuzat penale për akte që ai tha se i përkisnin detyrave të tij si president.
Kandidati kryesor republikan për president po përballet me një mori akuzash të tjera penale federale dhe shtetërore./BBC