Gjigandi shtetëror saudit Aramco ka përfunduar blerjen e shumicës të aksioneve në kompaninë Sabic në tregun e aksioneve Saudite, njoftoi Reuters, duke blerë mbi 2 miliard aksione në kompani për një total prej 69.1 miliardë dollarë.
Aramco nënshkroi marrëveshjen për të blerë 70 përqind të Sabic nga Fondi i Investimeve Publike të Arabisë Saudite në Mars 2019, për ekuivalentin e 69.1 miliardë dollarëve në rialë sauditë në atë kohë. Blerja ishte pjesë e përgatitjes së Aramco për të dalë në publik, e cila ndodhi, pas shumë parashikimesh, në fund të vitit të kaluar.
Në fillim të këtij viti, pati njoftime në media se gjigandi i naftës mund të vonojë blerjen për shkak të pandemisë së koronavirusit dhe kolapsit të çmimit të naftës dhe madje ka pasur raportime që Aramco po kërkonte potencialisht të rinegocionte çmimin e marrëveshjes pasi Sabic iu ul xhirro me 40 përqind . Sidoqoftë, çmimi i paguar për aksionet, të cilat janë blerë këtë të Dielë, është i njëjtë me atë të rënë dakord fillimisht.
Kjo mund të shkaktojë një ngarkesë financiare shtesë për Aramco, i cili nuk ka dale pa u lagur nga kriza e çmimit të naftës. Siç raportoi Reuters në maj, gjigandi i naftës, i cili filloi të kuotohej në burse në dhjetor të vitit të kaluar, do të paguajë një dividend prej rreth 75 miliardë dollarë ndaj aksionarit të tij të shumicës, qeverisë Saudite, por nuk ka para të mjaftueshme për të mbuluar pagesën.
Bursa për datën 15 Qershor 2020 u mbyll si mëposhtë:
Vlerat janë të shprehura në $/mt
- Brent është shprehur në $/bbl
| Produkti | Çmimi ditor ( $/mt ) | Ndryshimi ditor +/- ( $/mt ) |
| BENZINA | 350.25 | + 6.75 |
| DIESEL | 323.75 | + 3.25 |
| BRENT | 38.77 | + 0.12 |
©aktualitet.al