Imami i parë i Hagia Sophia-s, në rihapje të saj pas dekadash shndërrimi në muze, do jetë nga Ballkani. Jo shqiptar po boshnjak.
Fjala është për Ferruh Mustuer, i emëruar si kleriku që do drejtojë faljet në ngrehinën historike, rikthimi i së cilës në xhami, pasi iu hoq ky status nën Ataturkun, ka ngjallur shumë reagime.
Ferruh Mustuer është hafëz Kur’ani, pra zotërues përmendësh i Librit të Shenjtë.
Nuk dihet nëse në kriteret e përzgjedhjes për të qenë ai, me origjinë boshnjake, është marrë në konsideratë pikërisht nga nacionaliteti tij, një lloj mesazhi për Ballkanin ku përplasen shumë interesa.
Siç është caktuar, rihapja e Shën Sofisë si xhami do jetë ditën e premten, të xhumanë pra, festa javore e muslimanëve.
Ajo shërbeu si kishë për shumë shekuj, më vonë si xhami, pas pushtimit turk të Kostandinopojës, e më pas si muze për dekada.
Si kujtesë, Gjykata Supreme e Turqisë anuloi vendimin e qeverisë së vitit viti 1934, i cili e ktheu xhaminë Hagia Sophia në një muze.