Ditën e nesërme deputetët do të mblidhet në sallën e seancës plenare, për herë të parë pas pezullimit të punimeve te Kuvendit në kuadër të parandalimit të COVID-19.
Gjatë seancë plenare pritet të votohen ndryshimet në Kodin Penal, ndërkohë që deputetët do iu nënshtrohen rrespektimit të masave kundër COVID-19.
Për këtë arsye, Kuvendi sot ka hapur tender për “Blerje pajisjesh dhe materialesh në kuadër të parandalimit të përhapjes së virusit COVID-19”.
Në dokument thuhet se Kuvendi do të blejë 250 denzifektantë, xhel për duart me alkool etilik si dhe 180 maska.
Afati i zbatimit të objektit të prokurimit është 2 orë nga momenti i njoftimit të fituesit. Kriteri bazë për shpalljen e fituesit është çmimi më i ulët që ofrohet nga pjesëmarrësit në garë.
