Marcelo Brozovic mund të largohet nga Interi gjatë këtij afati kalimtar veror.
Trajneri Antonio Conte është i gatshëm të heq dorë nga kroati, pasi po mendon transferimin e Arturo Vidal.
Interi është në pritje të ofertave dhe tani lojtarit është në listën e transferimeve.
Sipas medieve italiane, Neroazzurët tanimë i kanë caktuar edhe çmimin e largimit mesfushorit kroat.
Për ta lënë të lirë të largohet, Interi është duke kërkuar 40 milionë euro për Brozovicin.
Bayern Munich dhe Paris Saint Germain janë dy skuadrat që kanë shprehur interesim për kroatin.
Në anën tjetër Inter e përfshiu në një ofertë si shkëmbim për N’Golo Kanten, por ajo hipotezë ka rënë poshtë nga Chelsea.
27-vjeçari ka zgjuar edhe interesimin e Monacos, por oferta e skuadrës nga Ligue 1 prej 23 milionë eurove është hedhur poshtë nga Interi.
Gjiganti italian po synon që të fitojë sa më shumë nga shitja e kroatit i cili është në Giuzeppe Meazza që nga viti 2015.