Vala e dytë e koronavirusit në Europë nuk po sjell rritje të viktimave, shkruan gazeta Daily Mail.
Sipas saj, edhe pse rastet ditore në Spanjë kanë arritur në thuajse 15 mijë- numri i vdekjeve është relativisht i ulët.
Për shembull të enjten ishin 240 viktima, shumë më tpak se numri prej 929 viktimash kur rastet ditore ishin 9 mijë.
Në Francë u regjistruan afro 13.500 raste, por numri i viktimave ishte 154, shumë më i ulët se në mes të prillit kur kishte 1400 vdekje për 5500 raste të konfirmuara.
Ekspertët thonë se ka dy arsye për të shpjeguar këtë gjë.
E para, numri i testimeve është shtuar ndjeshëm. E dyta, virusi po prek kryesisht të rinjtë, të cilët përgjithësisht i mbijetojnë sëmundjes.
Nga ana tjetër Suedia, e cila nuk imponoi izolim, vazhdon të ketë një numër të ulët rastesh dhe vdekjesh.