Prefekti i Qarkut të Gjirokastrës Astrit Aliaj është shkarkuar nga detyra ditën e sotme. Vendimi është marrë në mbledhjen e mbajtur në mesditë në Këshillin e Ministrave.
Ndërkohë nuk bëhen të ditura arsyet për këtë lëvizje të papritur.
Në vend të tij është emëruar Odise Kote. Kote ka mbajtur postin e drejtorit të Agjencisë Rajonale të Sigurimeve Shoqërore në Gjirokastër si dhe nënkryetarit të Bashkisë.