Çekia është një ndër vendet që kohët e fundit po përjeton një rritje të madhe të numrit të rasteve ditore me Covid.
Gjatë valës së dytë të koronavirusit kryeministri Andrej Babis, në një deklaratë për mediat bëri atë që pak udhëheqës shpesh e bëjnë.
Ai u kërkoi falje njerëzve madje pesë herë, pranoi se ai dhe qeveria e tij kishin bërë gabime në trajtimin e shpërthimit dhe iu lut njerëzve që të ndiqnin rregullat e rrepta të bllokimit.
“Më vjen keq për kufizimet e reja që do të ndikojnë në jetën e pronarëve të bizneseve, qytetarëve, punonjësve. Më vjen keq gjithashtu që përjashtova de facto mundësinë e kësaj që të ndodhte sepse nuk mund ta imagjinoja që kjo do të ndodhte”, është shprehur Babis.
Masat e reja çeke, të cilat hynë në fuqi të enjten në mëngjes, përfshijnë kufizime në lëvizjen e lirë të njerëzve dhe mbylljen e shërbimeve dhe dyqaneve jo-thelbësore. Ata do të qëndrojnë në vend deri më 3 nëntor.
Vendimi për shtrëngim të masave erdhi ndërsa kombet e tjera evropiane, përfshirë Gjermaninë dhe Poloninë, raportuan numra rekord të rasteve të reja ditore, dhe Irlanda u përgatit të vendoste bllokimin më të rreptë në Evropë.