Joe Biden është zgjedhur zyrtarisht presidenti i 46-të i Shteteve të Bashkuara të Amerikës. Biden i cili mbush 78 vjet në fund të këtij muaji, do të bëhet presidenti më i vjetër kur të emërohet në Janar, në mes të krizës më të madhe shëndetësore në 100 vitet e fundit dhe rënien më të thellë ekonomike që nga 1930-ta.
Biden është i martuar me Jill Biden, e cila tashmë pritet të jetë Zonja e Parë e Amerikës. Si Biden edhe ajo kishte një martesë të mëparshme me Bill Stevenson, një ish-futbollist kolegji, me të cilin kishin lidhur kuror në shkurt të vitit 1970.
Biden ka reaguar pas fitores në shtetin e Pensilvanisë që ia siguruan atij më shumë se 273 vota elektorale.
Demokrati është zgjedhur presidenti i 46-të i Shteteve të Bashkuara të Amerikës pas një gare të ashpër me republikanin, Donald Trump, i cili synonte të merrte edhe një mandat të dytë si njeriu i parë i Amerikës.
