Detaje të reja kanë dalë në lidhje me vrasjen e një pronari hoteli në Santorini nga një shqiptar.
Sipas mediave greke janë mësuar detaje tronditëse në lidhje me krimin e kryer nga 20 vjeçari shqiptar.
Pas arrestimit të tij nga policia në një shtëpi në Messara ku jetonte me dy bashkëatdhetarë të cilët ishin në mënyrë të paligjshme dhe pas nëntë orë heshtje ,më në fund ai rrëfeu të gjithë skenën e përgjakshme që ndodhi në hotel.
Menjëherë pas veprimit të tij, 20 vjeçari shkoi në shtëpinë e shokut të tij ku ndërroi rrobat dhe më pas doli për kafe.
Por më pas ai u detyrua të shkonte në hotel pasi kishte harruar diçka të tijën dhe pasi mori celularin e viktimës dhe e hodhi në det, ai bëri më pas shëtitje në ishull dhe të nesërmen shkoi në punë.
‘Unë punoj në Greqi për të jetuar. Kam ardhur dy herë të punoj dhe t’i dërgoj para nënës dhe tre motrave. Pronari i hotelit më kishte borxh 200 euro. Shkova të enjten në mëngjës për t’i kërkuar paratë, por ai nuk mi dha ato. Ai mori një shishe uiski dhe më sulmoi. I kapa dorën dhe e shtyva por ai ra poshtë. Ai kishte vdekur’ është shprehur i riu në polici.
Skenat që pasojnë janë tronditëse shkruan protothema.gr.
20 vjeçari tërheq 69 vjeçarin brenda dhe e rreh me grushta.
Gjaku mbyt hapësirën.
Autori i krimit gjen disa lecka dhe përpiqet t’i pastrojë ato.
Pastaj ai e tërheq 69 vjeçarin përsëri në një hapësirë të ngushtë vendos kufomën dhe e ‘lan’ atë me vodka vendos letra për të intesifikuar zjarrin dhe largohet.
Kur policia e Departamentit të Santorini u thirr nga Brigada e Zjarrfikësve të premten, sapo hynë në hotelin e Oia, ata u përballën me një imazh rrënqethës .
Njollat ??e gjakut ishin kudo, autori e kishte kthyer tunelin në një furrë ku ndodhej dhe trupi i djegur i 69 vjeçarit
Autori i krimit është kapur edhe tri herë në të kaluarën që kishte hyrë në Greqi në mënyrë të paligjshme pa letra nga Kakavia.
Dy herë në tetor 2017 dhe përsëri në Santorini më 27, 19 maj të këtij viti.
Në mars, pak para se të fillonte karantina e parë për koronavirusin , ai u kthye.