U luajt pasditen e sotme ndeshja mes PSG dhe Basaksehir, e vlefshme për javën e 6-të të fazës së grupeve në Ligën e Kampioneve.
Parisienët arritën të fitonin me rezultatin e thellë 5-1 ndaj ekipit turk, falë hat-trick te Neymar dhe dopietës së Kylian Mbappe.
Një një intervistë pas ndeshjes për “RMC Sport”, sulmuesi brazilian foli për të ardhmen e tij që është në qendër të diskutimeve ditë e fundit: “ Jam shumë i lumtur këtu në Paris. Jam shumë i lumtur në klub, me shokët e skuadrës. Ideja e largimit nuk më shkon në mendje. Ne kemi një marrëdhënie shumë të mirë, jam shumë i lumtur. Duhet të flasim dhe të shohim se çfarë do të ndodhë në të ardhmen”, deklaroi O’Ney për “RMC Sport” pas përballjes me ekipin turk, një javë pasi shprehu në Old Trafford dëshirën për të luajtur sërish me Lionel Messi sezonin e ardhshëm .