Një aksident automobilistik është regjistruar pak më parë në lagjen Sheq të Fierit. Automjeti tip Citroen me targa AA 651 IG është përplasur me një kamion të tonazhit të rëndë. Si pasojë e përplasjes një prej drejtuesve të mjeteve ka pësuar dëmtime të lehta. Ai është transportuar në spitalin rajonal të Fierit për të marrë ndihmë mjekësore, ndërsa ndodhet jashtë rrezikut për jetën. Si pasojë e aksidentit, është rënduar trafiku në unazën e qytetit, ndërsa policia ndodhet në vendngjarje.