Një tjetër tërmet ka tronditur Qipron në orët e para të mëngjesit të së premtes, duke shënuar lëkundjen e tretë të fuqishme brenda një jave. Sipas Institutit Euro-Mesdhetar, tërmeti, me magnitudë 4.2 të shkallës Rihter, ndodhi në orën 00:38 dhe kishte epiqendrën 44 kilometra në juglindje të Larnakës, në një thellësi fokale prej 26 kilometrash.
Lëkundja u ndje qartë në qytetin e Larnakës, por fatmirësisht nuk raportohet për dëme materiale apo viktima. Ky është i treti tërmet në rajon pas dy lëkundjeve të mëparshme me magnitudë 5 dhe 4.5 Rihter, që goditën jugun e Limasolit dhe verilindjen e Paphos. Banorët shprehen të shqetësuar për frekuencën e lëkundjeve dhe kanë kërkuar qartësi mbi masat mbrojtëse në rast të përshkallëzimit të aktivitetit sizmik.
Autoritetet po monitorojnë situatën dhe kanë bërë thirrje për qetësi, duke nënvizuar se aktiviteti sizmik në këtë zonë është i zakonshëm për shkak të pozicionit gjeologjik të Qipros.