Ditën e sotme, britanikëve iu dhanë udhëzime zyrtare se si të qëndrojnë të sigurt dhe të shmangin kapjen e koronavirusit kur janë jashtë në publik.
Ministrat tani i kanë kërkuar britanikëve të veshin maska për fytyrën në transportin publik dhe në disa dyqane ku distancimi social nuk është i mundur, raporton Dailymail.
Dhe ata kanë këshilluar njerëzit që të vazhdojnë të lajnë duart, të punojnë nga shtëpia nëse është e mundur dhe të udhëtojnë duke ecur ose me biçikletë.
Udhëzimet, pjesë e planit të qeverisë prej 50 faqesh, gjithashtu rekomandojnë që britanikët të lajnë rrobat rregullisht dhe ta mbajnë shtëpinë e tyre të ajrosura mirë.
Në një paralajmërim të rreptë për publikun, udhëzimi thotë: “Të gjithë ne, si klientë, vizitorë, punonjës ose punëdhënës, duhet të bëjmë ndryshime për të ulur rrezikun e transmetimit të virusit.”